"Милан" бош мураббийи Винченцо Монтелла А серияда "Лацио" билан сафардаги дуранг натижадан (1:1) мамнун эканини яширмади.
"Бошқа шундай натижали ўйинларимизга қараганда, бу ўйиндан анча хурсандман. Бу жамоани шуғуллантираётганим билан фахрланаман, йигитлар ақлбовар қилмас жамоавий руҳ кўрсатишди.
Ҳар бир мураббий жамоаси ўйинини ўзича таҳлил қилади. Аввлги ўйинларимизда рақибларга нисбатан яхшироқ ўйинаганимизга қарамай, натижага эриша олмаганимизни таъкидлаб келганман.
Ўйин жуда қийин кечди. Бизда муаммолар бор эди, бутун чап қанотимиз жипслашиб ўйнай олмади, шунингдек, ярим ҳимоямиз ҳам биз кутган ўйинни кўрсата олмади.
"Милан" Доннарумма билан шартномасини узайтиради, у клубни севади. Менда шундай ўйинчи борлигидан хурсандман", - дейди Монтелла.
