"Бавария" бош мураббийи Карло Анчелотти Бундеслиганинг 22-турида "Гамбург" устидан қозонилан ўта йирик ҳисобдаги ғалабадан сўнг (8:0) фикрлари билан ўртоқлашди.
Бу учрашув Анчелоттининг мураббийлик фаолиятидаги 1000-ўйини эди.
"Ажойиб кун, ажойиб ўйин. Биз яхши кайфият билан яхши ўйин кўрсатдик. Ўйин олдидан ўз ўйинчиларимга юбилейим шарофати билан яхши ўйин кўришни истаётганимни айтган эдим. Бу даражада бўлишини кутмагандим. Мен жуда бахтиёрман ва навбатдаги ўйинда ҳам худди шундай кайфият билан майдонга тушишимизни истайман", - дейди Анчелотти.
