"Ювентус" ҳужумчиси Гонсало Игуаин Италия кубоги ярим финалида "Наполи" устиан қозонилган ғалабадан сўнг нима учун неаполликлар дарвозасига урган голини нишонламагнини маълум қилди.
"Бу "Наполи"дек кучли рақибга қарши қийин ўйин бўлди. Биринчи бўлимда тўпни қийинчилик билан назорат қилдик. Танаффусда мураббийимиз сабрни йўқотмаслигимизни ва ҳаммасини ўзгартира олишимизни таъкидлади. Натижада бунга эришдик. "Ювентус"нинг кучи шунда - биз ҳеч қачон сабрни йўқотмаймиз.
Мен ҳанузгача "Наполи"ни ҳурмат қиламан, аммо ҳозир "Ювентус"да бахтиёрман. Биз шу йўсинда давом этишимиз керак", - дейди Игуаин.
