Марокаш давлати Испания ва Португалия билан биргаликда ЖЧ-2026 мусобақасига мезбонлик қилмоқчи.
Бу ҳақда Марокаш қироли Муҳаммад VI Испания қироли Филипп VI га расман мурожаат қилиб, мундиални биргаликда ташкил қилиш масаласини кўриб чиқишни сўраган.
Хабарга кўра, ФИФА президенти Жанни Инфантино ҳам бу ғояни қўллаб-қувватламоқда.
Аввалроқ, ЖЧ-2026 мусобақасини АҚШ, Канада ва Мексика биргаликда ўтказмоқчи экани ҳақида янгиликлар чиққан эди. Аммо Трампнинг президент бўлиб сайланиши натижасида иммиграция сиёсати ўзгарди ва АҚШнинг мундиални қабул қилиш имкониятлари пасайиб кетди.
Эслатиб ўтамиз, ЖЧ-2026 мусобақасида 48та терма жамоа иштирок этади.
