Marokash davlati Ispaniya va Portugaliya bilan birgalikda JCH-2026 musobaqasiga mezbonlik qilmoqchi.
Bu haqda Marokash qiroli Muhammad VI Ispaniya qiroli Filipp VI ga rasman murojaat qilib, mundialni birgalikda tashkil qilish masalasini ko‘rib chiqishni so‘ragan.
Xabarga ko‘ra, FIFA prezidenti Janni Infantino ham bu g‘oyani qo‘llab-quvvatlamoqda.
Avvalroq, JCH-2026 musobaqasini AQSH, Kanada va Meksika birgalikda o‘tkazmoqchi ekani haqida yangiliklar chiqqan edi. Ammo Trampning prezident bo‘lib saylanishi natijasida immigrasiya siyosati o‘zgardi va AQSHning mundialni qabul qilish imkoniyatlari pasayib ketdi.
Eslatib o‘tamiz, JCH-2026 musobaqasida 48ta terma jamoa ishtirok etadi.
