"Челси" ҳимоячиси Гари Кэйхилл Англия кубоги чорак финалида "МЮ" устидан қозонилган ғалабада (1:0) манчестерликлар яримҳимоячиси Андер Эрреранинг четлатилиши ёрдам берганини тан олди.
"Биз ажойиб одимларимиз билан олдинга интилишда давом этамиз. Биз бу учрашувга профессионал ёндошдик, керак бўлганда назорат қилдик. Четлатиш ўйинни биз томонга оғдириб юборди. Мен қоида бузилган вазиятни кўрмадим, аниқ гап айта олмайман. Аммо у бошқа фолларга ҳам йўл қўяётганди, шунинг учун буни аҳмоқона қилиқ деб ҳисоблайман.
Канте - фантастик ўйинчи. Унинг ўтган мавсумдаги ўйинлари ҳаммага маълум, у бу мавсумда ҳам шундай давом эттирмоқда. У бизга жуда керак, айниқса, ҳимояда", - дейди Кэйхилл.
