Ўзбекистон терма жамоасининг ЖЧ–2018 саралаш мусобақасидаги рақиблари Эрон ва Хитой терма жамоалари 7-турда бир-бирига тўқнаш келди.
Теҳрон шаҳридаги “Озодий” стадионида бўлиб ўтган ўйинда Эрон терма жамоаси кичик – 1:0 ҳисобида ғалаба қозонди. Учрашувдаги ягона голга 46-дақиқада Маҳдий Торимий муаллифлик қилди.
Бу натижадан сўнг Эрон терма жамоаси 17 очко билан “А” гуруҳида пешқадамликни мустаҳкамлаб олди. Хитой термаси эса 5 очко билан сўнгги ўринда бормоқда.
ЖЧ–2018 саралаши, 7-тур
Теҳрон, Эрон
28 март, сешанба
Эрон – Хитой 1:0
Гол: Маҳдий Торимий (46)
Огоҳлантиришлар: Иззатуллоҳ (37), Шожаий (39), Жаҳонбаҳш (61)
