"Милан", "Реал" клубларининг собиқ устози Фабио Капелло болалар академиялари ҳақида гапирди ва ёш футболчиларга бор кучи билан меҳнат қилишларини маслаҳат берди.

"Футболчиларни тайёрлаш системаси бош жамоа мураббийи учун жуда муҳим. Ўша ҳамма нарсага қодир "Барселона"да ҳам нафақат Месси, балки клуб акдемияси тарбимяланувчилари ҳам сабоқ олишган. 90-йилларнинг буюк "Милан"ида ҳам ўсмирлар системасини босиб ўтган футболчилар ўйнаган. Бу футболчилар жамоа мурватига галик қилдилар ва жамоага клуб фалсафасини сингдирдилар.

Агар қурбонларсиз ўсишга эришаман деб ўйласангиз, адашасиз. Ҳатто иқтидорингиз бўлса ҳам меҳнатсиз ҳеч нарсага эриша олмайсиз. Ҳар доим ўсишга эришиш мумкин. Жисмоний тайёргарлик жуда муҳим, шунинг учун кўп меғнат қилиш керак.Бор кучингизни ишга солишингиз янада муҳимроқ, ахир бу сизнинг ишингиз. Ҳеч кимни монах бўлишга чорламайман. Ҳар куни шуғулланиб ўсишинг мумкинлигини ҳис қилиш керак", - дейди Капелло.