"Барселона" ва "ПСЖ" клубларининг собиқ футболчиси Роналдиньо каталонияликларнинг ЕЧЛ чорак финалида "Ювентус" тўсиғидан ўта олишига ишонмоқда.
"Ўйлашимча, "Барселона" "Ювентус"дан ўта олади. Бу жуда қийин, аммо улар буни уддалай оладилар. Буюк ўйинчилар уйғонадилар ва ўйин тақдирини ҳал қиладилар.
"ПСЖ"га қарши ўйин ҳам ажойиб бўлган эди, тарихий ўйин. Мен ҳар икки клубда ўйнаш бахтига сазовор бўлганман, ҳозир "Барселона" элсчисиман. Бу ўйинни жуда кўп вақт эслаб юришади", - дейди Рональдиньо.
Роналдиньо каталонияликлар сафида беш мавсум ўтказган ва 207 ўйинда 94 та гол урган. "ПСЖ"да эса икки мавсумда 86 ўйин ўтказиб, 25 та гол урган.
