Мозель департаменти маъмурияти Франция чемпионатининг 31-туридан ўрин олган «Метц» - «ПСЖ» ўйинига меҳмон фанатларнинг киритилмаслигини эълон қилди.
«Метц» сайтининг хабарига кўра, парижлик мухлисларга стадионга кириш ва шаҳардаги «Метц» фанатлари тўпланадиган жойларга бориш тақиқланади. Бундан ташқари, стадион кассаларида меҳмон фанатлари секторига чипталар сотилмайди.
Шаҳар маъмурияти «Бастия» – «Лион» ўйинида юз берган тартибсизликлар ва ўйиннинг қолдирилишидан сўнг, хавфсизлик чораларини кучайтиришга мажбур бўлмоқда.
