«Интер» ва «Милан» клубларининг хитойлик хўжайинлари таркибни кучайтириш учун катта пул сарфлашни мўлжалламоқда.

Ҳар иккала жамоа Чемпионлар лигасига қайтиш учун 280 миллион евро маблағ сарфлашни режалаштирмоқда. Маълумки, 2017/18 мавсумда Чемпионлар лигасида Италиядан яна тўртта жамоа гуруҳ босқичида иштирок этади.

«Милан» ёзги харидларга 130 миллион, «Интер» эса 150 миллион сарфламоқчи.

«Милан» клубининг трансфер мақсадига Альваро Мората, Карим Бензема, Матео Ковачич (барчаси – «Реал»), Пьер-Эмерик Обамеянг («Боруссия» Дортмунд), Александр Ляказетт («Лион»), Матео Мусаккьо («Вильярреал»), Даниэле де Росси («Рома») киритилган.

«Интер» эса Фабиньо («Монако»), Андреа Петанья («Аталанта»), Костас Манолас («Рома»), Маркиньос («ПСЖ»), Стефан де Врей («Лацио») билан қизиқмоқда.