Қатар Кубоги ярим финалида Ўзбекистон терма жамоаси ярим ҳимоячиси тўп сураётган “Ал-Жаиш” жамоаси сафарда мамлакат чемпиони – “Лаҳвия” билан ўзаро баҳс олиб борди.
“Ас-Садд”га тегишли Jassim Bin Hamad Stadium майдонида кечган голларга бой ўйинда “Ал-Жаиш” 3:2 ҳисобида ғалаба қозонди. Ўйин якунида ўзбекистонлик футболчининг голи жамоасига муҳим ғалаба ва финал йўлланмасини тақдим қилди.
Мазкур учрашувда ўйиннинг энг яхши футболчиси деб топилган Сардор Рашидов пул мукофоти билан тақдирланди. Қайд этиш керакки, “Ал-Жаиш” Қатар Кубогининг амалдаги соҳиби саналади.
Қатар Кубоги–2017, 1/2 финал
Jassim Bin Hamad Stadium
21 апрель, жума
“Лаҳвия” – “Ал-Жаиш” 2:3 (0:1, 2:2)
Голлар: И.Муҳаммад (51), Да Силва (77) – Сейду Кейта (24), Ромариньо (49), Сардор Рашидов (90).
