Qatar Kubogi yarim finalida O‘zbekiston terma jamoasi yarim himoyachisi to‘p surayotgan “Al-Jaish” jamoasi safarda mamlakat chempioni – “Lahviya” bilan o‘zaro bahs olib bordi.
“As-Sadd”ga tegishli Jassim Bin Hamad Stadium maydonida kechgan gollarga boy o‘yinda “Al-Jaish” 3:2 hisobida g‘alaba qozondi. O‘yin yakunida o‘zbekistonlik futbolchining goli jamoasiga muhim g‘alaba va final yo‘llanmasini taqdim qildi.
Mazkur uchrashuvda o‘yinning eng yaxshi futbolchisi deb topilgan Sardor Rashidov pul mukofoti bilan taqdirlandi. Qayd etish kerakki, “Al-Jaish” Qatar Kubogining amaldagi sohibi sanaladi.
Qatar Kubogi–2017, 1/2 final
Jassim Bin Hamad Stadium
21 aprel, juma
“Lahviya” – “Al-Jaish” 2:3 (0:1, 2:2)
Gollar: I.Muhammad (51), Da Silva (77) – Seydu Keyta (24), Romarinyo (49), Sardor Rashidov (90).
