"Атлетико" ҳужумчиси Антуан Гризманн Испания чемпионатида "Эспаньол" билан учрашувдан сўнг (1:0) beIN Sports мухбирининг саволидан сўнг флэш-интервьюни давом эттиришни истамади.
Журналистнинг мавсум сўнгида "Атлетико"ни тарк этиши мумкинми, деган саволига Гризманн "Балки бас қилармиз, майлими?" деб жавоб берди ва кийиниш хонасига кетиб қолди.
"Атлетико" матбуот хизмати beIN Sports журналисти ўйиндан ташқари савол бериб флэш-интервью регламентини бузганини маълум қилди. Шунинг учун Гризманнинг реакцияси тўғри баҳоланмоқда.