25 апрель куни "Локомотив" ўз майдонида Осиё чемпионлар лигаси 5-туридан ўрин олган ўйинни ўтказади.

"Темирйўлчилар" ТТЗдаги "Локомотив" стадионида Саудия Арабистонининг «Ат-Таъвун» клубини қабул қилади.

Мазкур беллашув "Локо" учун жуда муҳим аҳамиятга эга, чунки жамоа ғалаба қозонган тақдирда кейинги босқичга чиқиш имкониятларини сақлаб қолади. Эсингизда бўлса, Саудияда кечган баҳс "Локо"нинг 0:1 ҳисобидаги мағлубияти билан якун топганди. Бу гал эса "темирйўлчилар" ўша мағлубият аламини олишга уриниб кўришади.

Эртага, 24 апрель куни ҳар иккала жамоа бош мураббийлари иштирокида журналистлар учун ўйинолди матбуот анжумани ташкил қилинади. Матбуот анжумани "Локомотив" стадионида бўлиб ўтади ва 12:00да бошланади.