"Торино"да ижарада ўйнаётган "Манчестер Сити" дарвозабони Жо Ҳарт "Манчестер Юнайтед"га ўтиш таклифини кўриб чиқишга тайёр, дея хабар беради The Independent.
Манбага кўра, Ҳарт Манчестер клубида ўйнашни истайди, чунки 2006 йилда "Шрусбери Таун"дан "Сити"га ўтгандан буён бу шаҳарда унинг уйи бор.
Дарвозабоннинг ижара шартномаси 2017 йилнинг 30 июнида тугайди. Аввалроқ, "Торино" ижара муддатини узайтириш борасида "Ман Сити"га мурожаат қилган, аммо англияликлар Ҳартни фақат сотмоқчи эканликларини маълум қилишган. Унинг трансфер нархи тахминан 17,5 миллион фунт атрофида.
Давид де Ҳеанинг "Реал"га йўл олиши муносабати билан "МЮ" Ҳартни сотиб олишни кўриб чиқмоқда.
