Тошкентнинг “Бунёдкор” футбол мактабининг 2003 йилда таваллуд топган футболчилари Россиядаги халқаро турнирда ғолиб чиқишди.

24-29 апрель кунлари Россиянинг Нижнекамск шаҳрида Александр Винников хотирасига бағишлаб анъанавий турнир ташкил этилди. Мусобақада жами 10та жамоа икки гуруҳга бўлинган ҳолда бош соврин учун кураш олиб боришди.

Алишер Иброҳимов ва Бахтиёр Жўраев мураббийлигидаги тарбияланувчиларимиз гуруҳ босқичида “Нефтехимик” (Нижнекамск), “Сизран-2003” (Сизран), “Уфа-2003” (Уфа) ва “Спартак” (Йошкар-Ола) жамоаларидан усун келишиб, финалга йўлланма олишди. Турнирнинг ҳал қилувчи баҳсида иккинчи гуруҳда ғолиб чиққан Қозон U-14 терма жамоаси билан куч синашилди. Қизиқарли кечган баҳсда вакилларимиз 2:0 ҳисобида зафар қучишиб, ғолибликни қўлга киритишди.

Ушбу муваффақият билан “Бунёдкор-2003” мураббийлари Алишер Иброҳимов ва Бахтиёр Жўраевни муборакбод этамиз.