«Атлетико» устози Диего Симеоне ЕЧЛ яримфиналидан ўрин олган «Реал»га (0:3) қарши ўйинда Альваро Моратани йўлдан урмоқчи бўлган.
Мората машқ ўтказиш учун йўл олганида, Симеоне оғзини ёпган ҳолда унга қарата бир нарсаларни айтган. Футболчи эса жилмайиб қўйган.
Deportes Cope журналисти Мелхор Руиснинг гапига кўра, Симеоне Моратага: «Мени «Атлетико»мга ўтақол» - деган.
Ўтган йили ёзда «Атлетико» футболчининг вакиллари билан учрашиб, трансфер ҳақида гаплашиб олган, аммо у «Реал»га қайтишни маъқул топган эди. «Атлетико»га қарши ўйинда Мората майдонга туширилмади.
