Бокс бўйича Осиё чемпионатида юртимиз шарафини муносиб тарзда ҳимоя қилаётган боксчиларимиз бугун ярим финал баҳсларида рингга кўтарилади.

Чорак финал жангларида тўлиқ таркиб билан иштирок этган Бокс бўйича Ўзбекистон терма жамоасининг 9 нафар боксчиси ярим финал йўлланмасини қўлга киритган эди.

Бугун ярим финал баҳслари икки дастурга бўлинган ҳолда ўтказилади. Соат 14:00 да кундузги дастурга старт берилса, кечки дастур соат 18:00 да бошланади.

Ярим финалнинг кундузги дастурини Жасурбек Латипов қозоғистонлик Азамат Иссакуловга қарши жанг билан бошлаб беради.

Бокс бўйича Ўзбекистон терма жамоаси вакиллари иштирокидаги ярим финал жангларининг бошланиш вақти.

Кундузги дастур (14:00)

14:00. Жасурбек Латипов (Ўзбекистон) – Азамат Иссакулов (Қозоғистон)

14:30. Муроджон Аҳмадалиев (Ўзбекистон) – Йон Ҳун Ҳан (Жанубий Корея)

15:15. Элнур Абдураимов (Ўзбекистон) – Жун Шан (Хитой)

15:45. Исроил Мадримов (Ўзбекистон) – Абилхан Аманкул (Қозоғистон)

16:00. Бектемир Мелиқўзиев (Ўзбекистон) – Жябин Ҳуан (Хитой)

Кечки дастур (18:00)

18:00. Ҳасанбой Дўсматов (Ўзбекистон) – Амит (Ҳиндистон)

18:40. Иқболжон Холдоров (Ўзбекистон) – Бекдавлат Ибрагимов (Қозоғистон)

19:00. Шахрам Ғиёсов (Ўзбекистон) – Сажжад Козимзодапоштирий (Эрон)

19:30. Баҳодир Жалолов (Ўзбекистон) – Муҳаммад Мулаес (Сурия)

Жангларнинг бошланиш вақти ундан аввал ўтказиладиган жангларнинг давомийлигига қараб ўзгариши мумкин*