Италиянинг “Милан” клуби ҳужумчи Жанлука Лападулани яқин орада сотиб юбориши мумкин.

Маълумот учун, ҳужумчи “Милан”га Италия “Б” Сериясининг энг яхши тўпурари сифатида ўтганди. Аммо Лападула “Милан”да Карлос Бакка билан рақобатда ютиб чиқа олмади.

Лападулани сотиб олиш учун ҳозирда “Сампдория” клуби даъвогар бўлиб турибди. “Сампдория” раҳбарияти ёзда Луис Муриэль ва Патрик Шик каби футболчиларини бошқа клубга сотиш йўли билан Лападулани ўз сафига қўшиб олмоқчи.

Жанлука Лападула жорий мавсум 25 учрашувда майдонга тушиб, 6 та гол муаллифига айланган.