"Ливерпуль" расмий сайтида мухлислар жамоанинг бу мавсумдаги энг яхши ўйинчисини аниқладилар.
Сўровнамага кўра ҳужумчи Садио Мане мавсумнинг энг зўр ўйинчиси деб топилди.
Шу тариқа, сенагаллик футболчи сешанба куни "Энфилд" стадионида ўтказилган тақдирлаш кечасида энг бош совринни қўлга киритди.
25 ёшли Мане ўз жамоадаошлари талқини бўйича ҳам мавсумнинг энг яхши ўйинчиси деб топилган эди.
Мане ўтган йилнинг июнида "Саутҳемптон"дан келиб қўшилган эди. У жорий мавсумнинг 29 ўйинида 13 та гол урди ва 8 та голга тўп оширди.
Жамоа яримҳимоячиси Эмре Жаннинг "Уотфорд"га урган голи (1:0) йилнинг энг яхши голи деб топилди.
