Италия кубоги соврини қўлга киритилгандан сўнг “Ювентус” бош мураббийи Массимилиано Аллегри чемпионатнинг сўнгги туридаги “Кротоне”га қарши учрашув ҳақида фикрларини билдирди.
“Биринчи бўлимда юзага келган имкониятлардан унумли фойдаландик, иккинчисида яхши ҳимоялана олдик.
Олдимизда “Кротоне”га қарши учрашув бор, биз айнан шу учрашувдан сўнг чемпионатда ғолибликни расмийлаштиришни режалаштирганмиз.
Ушбу ўйин натижаси мавсум тақдирини ҳал қилади. “Лацио” билан бўлиб ўтган учрашувдаги кайфиятни ушлай олсак, ўйлайманки ғалаба қозониш учун шунинг ўзи кифоя бўлади”, — дейди Аллегри Football Italia нашрига берган интервьюсида.
Эслатиб ўтамиз, агар туринликлар ушбу учрашувда ғалаба қозонишса, Италия “А” серияси чемпионига айланишади.
