Italiya kubogi sovrini qo‘lga kiritilgandan so‘ng “Yuventus” bosh murabbiyi Massimiliano Allegri chempionatning so‘nggi turidagi “Krotone”ga qarshi uchrashuv haqida fikrlarini bildirdi.
“Birinchi bo‘limda yuzaga kelgan imkoniyatlardan unumli foydalandik, ikkinchisida yaxshi himoyalana oldik.
Oldimizda “Krotone”ga qarshi uchrashuv bor, biz aynan shu uchrashuvdan so‘ng chempionatda g‘oliblikni rasmiylashtirishni rejalashtirganmiz.
Ushbu o‘yin natijasi mavsum taqdirini hal qiladi. “Lasio” bilan bo‘lib o‘tgan uchrashuvdagi kayfiyatni ushlay olsak, o‘ylaymanki g‘alaba qozonish uchun shuning o‘zi kifoya bo‘ladi”, — deydi Allegri Football Italia nashriga bergan intervyusida.
Eslatib o‘tamiz, agar turinliklar ushbu uchrashuvda g‘alaba qozonishsa, Italiya “A” seriyasi chempioniga aylanishadi.
