"Барселона" яримҳимоячиси Андрес Иньеста келгуси мавсумда ҳам жамоаси учун ўта муҳим футболчи бўлишига шубҳа қилмаяпти.
"Агар жароҳатлар бўлмаса, "Барселона"да худди 28 ёшимдаги каби ўйнай оламан. Одамларнинг фикрлари натижаларга қараб ўзгариб туради. Ҳозир менга яна беш йил ўйнай олишимни айтишмоқда, "ПСЖ"дан 0:4 ҳисобида мағлуб бўлганимизда, бутсамни михга илишни маслаҳат бергандилар.
Баъзан айнан шу ҳолатлар одамларнинг фикрига сабаб бўлади. Менга қолса , имкониятимга қараб келажагимга ўзим хўжайин бўлсам, дейман. Яна узоқ йиллар юқори савияда ўйнашни истайман, аммо таҳлил қилиб кўрадиган нарсалар бор", - дейди Иньеста.
