"Barselona" yarimhimoyachisi Andres Inyesta kelgusi mavsumda ham jamoasi uchun o‘ta muhim futbolchi bo‘lishiga shubha qilmayapti.
"Agar jarohatlar bo‘lmasa, "Barselona"da xuddi 28 yoshimdagi kabi o‘ynay olaman. Odamlarning fikrlari natijalarga qarab o‘zgarib turadi. Hozir menga yana besh yil o‘ynay olishimni aytishmoqda, "PSJ"dan 0:4 hisobida mag‘lub bo‘lganimizda, butsamni mixga ilishni maslahat bergandilar.
Ba’zan aynan shu holatlar odamlarning fikriga sabab bo‘ladi. Menga qolsa , imkoniyatimga qarab kelajagimga o‘zim xo‘jayin bo‘lsam, deyman. Yana uzoq yillar yuqori saviyada o‘ynashni istayman, ammo tahlil qilib ko‘radigan narsalar bor", - deydi Inyesta.
