«Барселона» клуби собиқ ҳимоячиси, ҳозирда «Ювентус»да ўйнаётган Даниэль Алвес бугунги финал олдидан ўз фикрларини билдириб ўтди. У ушбу жамоалар ўртасида 1998 йилги Европа чемпионлар лигаси финалини ёдга олди. Ўшанда учрашувдаги ягона голни мадридликлар футболчиси Предраг Миятович офсайддан урганди.
«Реал» ҳамма учун фаворит ҳисобланмайди. Бизнинг улар билан ўзаро ҳисоб-китобимиз бор. Боиси, 1998 йилги финалда офсайддан урилган гол эвазига ғалаба қозонишганди", — деди Алвес.
«Реал» ҳимоячиси Марсело терма жамоадаги жамоадошининг сўзларига хотиржамлик билан муносабат билдирди.
«Биз эътиборни фақат ўз ўйинимизга қаратганмиз ва қандай ўйнаш кераклигини биламиз. Алвеснинг сўзлари бизни мутлақо безовта қилмайди. Ҳар бир футболчи нима қилиш кераклигини билади», — деди Марсело.
