Англия терма жамоаси дарвозабони Жо Ҳарт фаолиятини Лондоннинг “Вест Ҳэм” клубида давом эттириши мумкин, деб хабар бермоқда Sky Sports.
“Болғачилар” трансфер ҳуқуқи “Манчестер Сити”га тегишли Жо Ҳарт билан бир йиллик ижара шартномаси имзолашни режалаштирган. Айни вақтда музокаралар олиб борилмоқда.
Аввалроқ “Милан” жамоаси англиялик посбонни ўз сафига қўшиб олмоқчи экани ҳақида хабар берилганди. Эслатиб ўтамиз, Жо Ҳарт ўтган мавсумда “А” Серия вакили “Торино” жамоаси сафида ижара асосида тўп сурган эди.
