«Милан» бош мураббийи Винченцо Монтелла «Ювентус» ҳимоячиси Леонардо Бонуччининг трансфери ҳақида ўз фикрини айтди.
«Бонуччи – дунё даражасидаги ўйинчи. Ўйлашимча, у ва Серхио Рамос дунёнинг энг кучли ҳимоячилари ҳисобланади. Мен Леонардо билан ишлашни орзу қилгандим. Бу трансфер учун Фассоне ва Мирабеллига миннатдорчилик билдираман.
Клуб трансфер бозорида тажрибали футболчилар билан бирга ёш ўйинчиларни таклиф этиб, ноодатий ишламоқда. Кўпчилик бошқа лигадан келиб қўшилмоқда, шу сабабли кўникиб олиш учун уларга бироз вақт керак бўлади, бироқ мен ҳар бир янги футболчига ишонаман. Ростини айтсам, мен ортиқча босимни кўрмаяпман. Менга кучли ўйинчилар билан ишлаш осонроқ.
Мақсадимиз – Чемпионлар лигасига қайтиш. Бонуччи ва Бильянинг трансфери бизга бу йўлда катта ёрдам беради. Йигитлар кучли жамоа бўлишимиз учун ҳаракат қилмоқда» - деди Монтелла.
