Испания жамоалари ушбу ёзда трансфер бозорида анча суст ҳаракат қилишмоқда. Энг қиммат трансферлар ТОП-25 лигига атиги 3 таси кирган бўлса, кучли ўнликда ҳеч бири йўқ. Қуйида испан жамоаларининг энг қиммат 5 трансфери билан танишишингиз мумкин.
5. Дани Себаллос - 17 млн.евро
"Бетис" жамоаси тарбияланувчиси ҳисобланадиган Себаллосни Мадриднинг "Реал" жамоаси 17 млн.еврога сотиб олишди. 20 ёшли испаниялик футболчига Испания футболи келажаги сифатида ҳам қарашмоқда.
4. Луис Мурйел - 20 млн.евро
Колумбиялик 26 ёшли футболчи шу пайтгача Италиянинг "Удинезе", "Лечче" ва "Сампдория" жамоаларида тўп сурган. "Севилья" ана шу ўйинчи учун "Сампдория" ҳисоб рақамига 20 млн.евро ўтказиб берди. Мурйел бундан олдин бир мавсум Испаниянинг "Гранада" жамоасида ҳам тўп суришга муваффақ бўлган.
3. Тео Эрнандез - 30 млн. евро
Мадриднинг "Атлетико" жамоаси унча мунча ўйинчисини асосий рақибига сотавермайди. Ўз вақтида Агуеро каби бир қатор ўйинчиларга "тиши" ўтмаган "Реал" Эрнандезни унчалик ҳам қийинчиликсиз қўлга киритди. "Матрасчилар" сафида бирор марта ҳам майдонга тушмаган 20 ёшли футболчини "галактикос" 30 "лимон"га харид қилди.
