Ispaniya jamoalari ushbu yozda transfer bozorida ancha sust harakat qilishmoqda. Eng qimmat transferlar TOP-25 ligiga atigi 3 tasi kirgan bo‘lsa, kuchli o‘nlikda hech biri yo‘q. Quyida ispan jamoalarining eng qimmat 5 transferi bilan tanishishingiz mumkin.
5. Dani Seballos - 17 mln.evro
"Betis" jamoasi tarbiyalanuvchisi hisoblanadigan Seballosni Madridning "Real" jamoasi 17 mln.evroga sotib olishdi. 20 yoshli ispaniyalik futbolchiga Ispaniya futboli kelajagi sifatida ham qarashmoqda.
4. Luis Muryel - 20 mln.evro
Kolumbiyalik 26 yoshli futbolchi shu paytgacha Italiyaning "Udineze", "Lechche" va "Sampdoriya" jamoalarida to‘p surgan. "Sevilya" ana shu o‘yinchi uchun "Sampdoriya" hisob raqamiga 20 mln.evro o‘tkazib berdi. Muryel bundan oldin bir mavsum Ispaniyaning "Granada" jamoasida ham to‘p surishga muvaffaq bo‘lgan.
3. Teo Ernandez - 30 mln. yevro
Madridning "Atletiko" jamoasi uncha muncha o‘yinchisini asosiy raqibiga sotavermaydi. O‘z vaqtida Aguyero kabi bir qator o‘yinchilarga "tishi" o‘tmagan "Real" Ernandezni unchalik ham qiyinchiliksiz qo‘lga kiritdi. "Matraschilar" safida biror marta ham maydonga tushmagan 20 yoshli futbolchini "galaktikos" 30 "limon"ga xarid qildi.
