"Барселона" етакчиси Лионель Месси ҳужумчи Неймарни жамоа таркибида олиб қолиш учун ҳаракат қилган.
Sport.es хабарига кўра, 21 июль куни Месси, Суарес ва Неймар ўзаро бу масалани муҳокама қилган. Аргентиналик ва уругвайлик футболчи Неймарни "ПСЖ" клубига ўтиш фикридан қайтаришга роса уринган. Хусусан, Месси Неймарга "Барселона" таркибида қолса, "Олтин тўп"ни ютиб олиши учун қўлидан келганча ёрдам беришни ваъда қилган.
Аввалроқ, Неймарнинг "ПСЖ" клубига ўтиши сабабларидан бири сифатида "Олтин тўп"ни ютиб олиш нияти айтилганди.