«Ювентус» клуби ҳимоячиси Жоржо Кьеллини «Барселона»га қарши кечадиган Чемпионлар лигаси баҳсигача соғайиш ниятида.
Маълумки футболчи терма жамоа қароргоҳида жароҳат олган ва тахминларга кўра уч ҳафтани ўтказиб юбориши керак эди.
«Тиббий кўрик яхши ўтди. Яқин кунларда қачон тикланиб олишим мумкинлиги аниқ бўлади. Умид қиламанки, «Барселона»га қарши ўйингача соғаяман» – деди Кьеллини.
Айни пайтда ҳимоячи шахсий дастур бўйича шуғулланмоқда.
Чемпионлар лигасидан ўрин олган «Ювентус» ҳамда «Барселона» ўртасидаги баҳс 12 сентябрь кунига белгиланган.
