Машҳур футболчилар ўйин олди ёки ўйиндан кейинги матбуот анжуманлари-ю, турли ҳил интервюларда бир қанча қизиқарли иқтибосларни келтириб ўтишган. Қуйида ана шундай иқтибосларни ўқишингиз мумкин.
СEРГEЙ ИГНАШEВИЧ (РОССИЯ)
- Шунчаки, портлаб кетганман. Беихтиёр оғзимдан номақбул сўзлар чиқиб кетган: «Итга ўхшаб вовуллайверасизми...?» Шунда Газзаев бироз сукут сақлади-да «Кўриб турибман, анча улғайиб қолибсизлар», дея автобус томон йўл олди (ЦСКАдаги бош мураббий Валерий Газзаев билан кийиниш хонасидаги жанг ҳақида).
АЛEКСАНДР КEРЖАКОВ (РОССИЯ)
- Ўзга сайёраликка қандай қилиб ҳавас қилиш мумкин? Мессига қарши ўйнаб хаёлингга шундай фикр келади. Шунчаки тўхтатиб, унга суқланиб боқиш керак (Мессига хавас қилганмисиз деган саволга жавоби).
ИГОР СEМШОВ (РОССИЯ)
- Интернетда «Нижний Новгород»-«Волга» ўйинидаги голлар видеолавҳасини кўрдим. «Волга» ҳимоячиси тўпдан «қочди» ва «Нижний» гол урди. Менимча, бу вазият кўпчиликнинг кайфиятини кўтарган. Биз ҳам мириқиб кулдик. Гарчи хотиним футболни унчалик тушунмасада, уни экран ёнига чақирдим. Ҳайратдан оғзи очилиб қолди. Ҳа тўп бир томонга кетса-ю, футболчи бошқа томонга югурса бу тоза масхарабозлик (Россия термасининг собиқ аъзоси, мамлакатда келишилган ўйинлар ҳақида).
ЛEОНИД СЛУЦКИЙ (РОССИЯ)
- Агарда рақибларимиз бизга зарар етказишни мақсад қилишса, улар бунинг учун Яннинг бутсалари солинган сумкани ўғирлаб кетишлари керак. Шунда биз енгилишимиз мумкин. Чунки унинг ўлчамидаги бутса бирорта ҳам дўкондан топилмайди. (Ян Коллер ҳақида).
РУСЛАН АЖИНЖАЛ (РОССИЯ)
- Ян Коллерга ўхшаган йирик футболчини илгари сира учратмагандим. У жамоамизга қўшилганида йигитлар халиллашиб, «Бурчак зарбалари чоғида Коллерни Руслан қўриқласин» дейишди. Мен эса розилик билдирдим, лекин бунинг учун нарвон келтириб беришларини сўрадим («Крилия Советов» ҳимоячиси Ян Коллер ҳаиқда).
