Mashhur futbolchilar o‘yin oldi yoki o‘yindan keyingi matbuot anjumanlari-yu, turli hil intervyularda bir qancha qiziqarli iqtiboslarni keltirib o‘tishgan. Quyida ana shunday iqtiboslarni o‘qishingiz mumkin.
SERGEY IGNASHEVICH (ROSSIYA)
- Shunchaki, portlab ketganman. Beixtiyor og‘zimdan nomaqbul so‘zlar chiqib ketgan: «Itga o‘xshab vovullayverasizmi...?» Shunda Gazzayev biroz sukut saqladi-da «Ko‘rib turibman, ancha ulg‘ayib qolibsizlar», deya avtobus tomon yo‘l oldi (SSKAdagi bosh murabbiy Valeriy Gazzayev bilan kiyinish xonasidagi jang haqida).
ALEKSANDR KERJAKOV (ROSSIYA)
- O‘zga sayyoralikka qanday qilib havas qilish mumkin? Messiga qarshi o‘ynab xayolingga shunday fikr keladi. Shunchaki to‘xtatib, unga suqlanib boqish kerak (Messiga xavas qilganmisiz degan savolga javobi).
IGOR SEMSHOV (ROSSIYA)
- Internetda «Nijniy Novgorod»-«Volga» o‘yinidagi gollar videolavhasini ko‘rdim. «Volga» himoyachisi to‘pdan «qochdi» va «Nijniy» gol urdi. Menimcha, bu vaziyat ko‘pchilikning kayfiyatini ko‘targan. Biz ham miriqib kuldik. Garchi xotinim futbolni unchalik tushunmasada, uni ekran yoniga chaqirdim. Hayratdan og‘zi ochilib qoldi. Ha to‘p bir tomonga ketsa-yu, futbolchi boshqa tomonga yugursa bu toza masxarabozlik (Rossiya termasining sobiq a’zosi, mamlakatda kelishilgan o‘yinlar haqida).
LEONID SLUSKIY (ROSSIYA)
- Agarda raqiblarimiz bizga zarar yetkazishni maqsad qilishsa, ular buning uchun Yanning butsalari solingan sumkani o‘g‘irlab ketishlari kerak. Shunda biz yengilishimiz mumkin. Chunki uning o‘lchamidagi butsa birorta ham do‘kondan topilmaydi. (YAn Koller haqida).
RUSLAN AJINJAL (ROSSIYA)
- Yan Kollerga o‘xshagan yirik futbolchini ilgari sira uchratmagandim. U jamoamizga qo‘shilganida yigitlar xalillashib, «Burchak zarbalari chog‘ida Kollerni Ruslan qo‘riqlasin» deyishdi. Men esa rozilik bildirdim, lekin buning uchun narvon keltirib berishlarini so‘radim («Kriliya Sovetov» himoyachisi Yan Koller haiqda).
