УЕФА президенти Александер Чеферин ёзги трансфер дарчаси ҳақида ўз фикрини айтди.
"Трансфер дарчасининг қисқартирилиши ҳақидаги мунозарани кузатиб бормоқдамиз. Агар футболчи мавсумни бир жамоада бошлаб, трансфер ойнаси ёпилгунга қадар бошқа жамоага ўтиб кетиши тўғри эмас. Менимча, трансфер мавсуми ҳозиргидек узун бўлмаслиги керак" - деди Чеферин The Times хабарида.
Эслатиб ўтамиз, Европанинг кўпчилик чемпионатларида трансфер дарчаси 31 август куни ёпилади, аммо ички чемпионат ўйинлари бундан ҳам олдин бошланиб кетади.