«Шанхай СИПГ» бош мураббийи Андре Виллаш-Боаш яримҳимоячи Одил Аҳмедовнинг сўзларини тасдиқлади.

Ҳамюртимиз "Гуанчжоу Эвергранд"га қарши ОЧЛ чоракфинал ўйинидан сўнг, мезбонларни ғирромликда айблаган эди.

Маълумки, шанхайликлар дастлабки ўйинда 4:0 ҳисобида ғалаба қозониб, жавоб ўйинида 1:5 ҳисобида мағлуб бўлган, аммо пенальтилар сериясида зафар қучган эди.

«Иккита автомашина автобусимиз олдида кетма-кет учта ҳалокатни содир қилишди. Менимча, бунга «Гуанчжоу»нинг ҳам алоқаси бор.

Ҳакамга ҳам эътирозларимиз бор. У пенальтилар сериясида атайин мезбон мухлислар ўтирган трибуна олдидаги дарвозани танлади. Бундан ташқари, пенальтилар серияси вақтида дарвозабонимизга сариқ карта кўрсатди. Ахир бу шармандалик-ку?! Рақиб футболчилари эса бизни тирсаги билан туртиб ўйнади. Уларни эса ҳеч ким жазоламади" - деди Виллаш-Боаш BBC хабарида.

Эслатиб ўтамиз, «Шанхай СИПГ» ОЧЛ яримфиналида Япониянинг «Урава Ред Даймондс» клуби билан беллашади.