Олий лигадан ўрин олган "Локомотив" - "Пахтакор" (0:1) ўйинидан сўнг, Шота Арвеладзе матбуот анжуманида иштирок этди.   "Яхши ўйинга гувоҳ бўлдик. Ҳар икки жамоа фаолроқ ўйнаган ҳолатларни кузатдик. Бундай беллашувларда гол катта аҳамият касб этади ва ўша тўпни биз киритишга эришдик. Бир неча вазиятларда Лобанов жамоани қутқарди, у шунинг учун дарвозадан ўрин олган.   Учрашувга яхши тайёрландик. "Локомотив" барқарор ва шаклланган жамоа. Охирги йилларда улар буни исботлаб келишмоқда. Биз эса буни амалга ошириш жараёнидамиз.   Безерра жамоага катта ёрдам бермоқда. У тўпни ўзида яхши сақлайди ва кўп вазиятларда курашларда ғолиб чиқади. Сергеев машғулотларда бор кучи билан ишлайди. У деярли ҳар учрашувда гол урмоқда. Иккинчи даврада 5 тўп киритишга улгурди. Игорь ҳақиқий профессионал", - деди Арвеладзе.