"Манчестер Сити" устози Хосеп Гвардиола АПЛнинг 6-турида "Кристал Пэлас" (5:0) устидан қозонилган ғалабадан кейин фикрларини билдирди.
"Биринчи бўлимда бизда муаммолар бўлди, тўп билан ҳаракатлана олмадик. Ўйинчилар ортиқча тўп билан муомалада бўлишди ва секин ўйнашди. Тайм охирида мақсадимизга етдик. Иккинчи бўлимда жуда яхши ўйнадик. Саненинг голи жуда мухим эди.
Айни дамда бизда ўтган йилгига қараганда очколар камроқ. Бироқ кўпроқ гол урдик ва кам ўтказиб юбордик, бу нисбатан яхши натижа. Шуни билингки, эндигина сентябрь ойидамиз", — дейди Гвардиола.
"Манчестер Сити" АПЛда кетма кет 4 ўйинда ғалабага эришди ва лига турнир жадвалини 16 очко билан бошқариб бормоқда.
