"Реал" ҳужумчиси Криштиану Роналду жамоадаги маошининг миқдоридан қониқмаяпти.
"Олтин тўп"нинг 4 карра соҳиби "Барселона" ҳужумчиси Лионель Месси ва ПСЖ тўпурари Неймар билан тенг миқдорда иш ҳақи олишни истаяпти.
Маълумки, Роналдунинг "Реал" билан имзолаган, 2020 йилгача мўлжалланган шартномасидаги маоши 23,6 млн еврога тенг. Marca хабарига кўра, футболчи раҳбариятдан камида 25 млн евро маошни талаб қиляпти.
Ҳозирча "Реал" португалияликнинг "иштаҳаси"ни қондиришга тайёр эмас. Раҳбарият биринчи навбатда Асенсио, Рамос ва Зидан билан шартномаларни янгиламоқчи.
Криштиану билан янги шартнома масаласи эса 2018 йил бошида кўриб чиқилиши мумкин.
