Перунинг Todo Sport журнали навбатдаги сони шов-шувли сарлавҳа билан нашр этилди.

AS хабарига кўра, перуликлар ФИФА ва КОНМЕБОЛ ЖЧ-2018 саралашидан ўрин олган Аргентина - Перу ўйинида, мезбонларнинг ғалабасини таъминлаб беради деб ҳисобламоқда.

Todo Sport нашрининг таъкидлашича, бу ташкилотлар Перу терма жамоасидан ғалабани тортиб олишга келишиб олган. Нашрнинг муқовасида "Қаллоблар!" деган ёзув, Месси ва бу ўйинга ташриф буюриши кутилаётган ташкилот раҳбарларининг фотосурати жойлаштирилган.

Маълумки, айни пайтда ФИФА президенти Жанни Инфантино Аргентина - Уругвай - Парагвай томонидан ЖЧ-2030 мусобақаси учун қўшма ариза топширилиши юзасидан Буэнос-Айресга ташриф буюрган. Шунингдек, у "Бомбонера"да ўтказиладиган ўйинни томоша қилишни ҳам режалаштирмоқда.

Эслатиб ўтамиз, Аргентина - Перу ўйини 6 октябрь куни ўтказилади. Айни пайтда, ҳар иккала терма жамоа ҳисобида 24 очко бор.