Peruning Todo Sport jurnali navbatdagi soni shov-shuvli sarlavha bilan nashr etildi.

AS xabariga ko‘ra, peruliklar FIFA va KONMEBOL JCH-2018 saralashidan o‘rin olgan Argentina - Peru o‘yinida, mezbonlarning g‘alabasini ta’minlab beradi deb hisoblamoqda.

Todo Sport nashrining ta’kidlashicha, bu tashkilotlar Peru terma jamoasidan g‘alabani tortib olishga kelishib olgan. Nashrning muqovasida "Qalloblar!" degan yozuv, Messi va bu o‘yinga tashrif buyurishi kutilayotgan tashkilot rahbarlarining fotosurati joylashtirilgan.

Ma’lumki, ayni paytda FIFA prezidenti Janni Infantino Argentina - Urugvay - Paragvay tomonidan JCH-2030 musobaqasi uchun qo‘shma ariza topshirilishi yuzasidan Buenos-Ayresga tashrif buyurgan. Shuningdek, u "Bombonera"da o‘tkaziladigan o‘yinni tomosha qilishni ham rejalashtirmoqda.

Eslatib o‘tamiz, Argentina - Peru o‘yini 6 oktyabr kuni o‘tkaziladi. Ayni paytda, har ikkala terma jamoa hisobida 24 ochko bor.