"Челси" раҳбарлари икки бельгиялик футболчи — ярим ҳимоячи Эден Азар ва дарвозабон Тибо Куртуага янги келишув тайёрлаб қўйди, деб хабар беради британ матбуоти.
Азар айни дамда "кўклар"нинг энг кўп маош олувчи футболчиси бўлиб турибди. У ҳафтасига 200 минг фунт олмоқда. Янги шартномага кўра, Эден 300 минг фунт маош олади.
Бу билан у АПЛда энг юқори маош олувчи футболчига айланади. Хавбек билан келишувни узайтириш — клубнинг энг устувор вазифаларидан бири.
Ундан ташқари, "Челси" Куртуага ҳам яхшиланган шартнома таклиф қилади. Унинг маоши 120 минг фунтдан 200 мингга кўтарилади.
