“ПСЖ”нинг собиқ посбони Николя Дюше зўравонлик туфайли ҳибсга олинди. У қўшнилари полицияга қўнғироқ қилгандан кейин қўлга олинган, қўшнилари эса унинг уйида даҳшатли қичқириқни эшитганларидан кейин полицияга хабар беришган.

Футболчининг уйига етиб келган полициячилар Дюшенинг аёлининг полда бир аҳволда беҳуш ётганини кўришди. Аёлнинг бошидан қон оқарди. Футболчи эса маст ҳолатда эди.

Кейинчалик аёлнинг айтишича, эри унинг бошини икки марта деворга ва полга урган, шундан кейин аёл ҳушини йўқотган.

Айни пайтда футболчи турмада, бироқ адвокани уни гаров пули эвазига чиқариб олишга уриняпти. Қилмиши учун эса унга катта жарима ёки қамоқ жазоси хавф солмоқда.