Ҳиндистон мезбонлигида ўтган футбол бўйича ўсмирлар ўртасидаги Жаҳон Чемпионати беллашувлари ўз якунига етди. Унда Англия U17 ғолиб чиқди.

Ҳал қилувчи финал ўйинида инглизлар Испания устидан иродали ғалабага эришди. Испанлар 2 та гол фарқи билан олдинга ўтиб олганига қарамай, якунда Англия ўсмирлари 5 та гол уришга муваффақ бўлди — 5:2.

Англия гуруҳ босқичида 100 фоизлик натижа қайд этиб, Чилини 4:0, Мексикани 3:2, Ироқни 4:0 ҳисобларида таслим қилганди. Нимчорак финалда япониялик футболчилар инглизлар билан тенгма-тенг ўйнади — 0:0. Пенальтилар сериясида омад европаликлар томонида бўлди — 5:3. Кейинроқ Англия чорак финалда АҚШни 4:1, ярим финалда Бразилияни 3:1 ҳисобларида таслим қилди.

Бунгача ёшлар ўртасидаги Жаҳон Чемпионати Англия U20 термасининг ғалабаси билан якунига етганди. Шу тариқа инглизлар кичик мундиалларнинг ҳар иккисида ҳам ғолиб чиқишга муваффақ бўлди.

ЖЧ—2017. U17

Финал

28 октябрь, шанба

Англия — Испания 5:2

Голлар: Серхио Гомес, 10 (0:1). Серхио Гомес, 31 (0:2). Райан Бревстер, 44 (1:2). Морган Гибс-Вайт, 58 (2:2). Филипп Фоден, 69 (3:2). Марк Геҳи, 84 (4:2). Филипп Фоден, 88 (5:2).

Фото: Google Images

Англия миллий терма жамоаси 2018 йил Россияда бўлиб ўтадиган Жаҳон Чемпионатида иштирок этади. Инглизлар тарихда фақат 1 марта — 1966 йилда мундиал ғолиби бўлган эрса-да, ҳар сафар Жаҳон Чемпионатида фаворитлар қаторида эътироф этилади.