Руминия терма жамоаси собиқ футболчиси Кристиан Киву “МЮ” бош мураббийи Жозе Моуриньонинг психологик ҳаракатлари ҳақида гапирди.

Эслатиб ўтамиз, португалиялик мутахассис “Интер” клубида Кивуга устозлик қилган эди.

“Моуриньо руҳан дам олишимиз учун бизга бир ҳафталик дам берар эди. У кутилмаганда душанба кунлари машғулотларга келиб: “кейинги душанба куни кўришамиз” дерди.

Энг қизиғи бундай ҳолат терма жамоалар йиғини вақтида эмас, балки чемпионат ўйинларининг энг қизиган вақтида юз берар эди. Жозе кузатувчан мураббий ва у футболчининг чарчаганини тўғри тушунади” , - деди Киву.