Англия терма жамоаси ва «Челси» клубининг собиқ футболчиси Крис Саттон терма жамоа чақирувига рад жавобини берган «Челси» ярим ҳимоячиси Дэниел Дринкуотер ҳақида фикр билдириб ўтди.
Аввалроқ, Англия терма жамоаси бош мураббийи Гарет Саутгейт футболчини Германия ва Бразилия терма жамоаларига қарши ўртоқлик ўйинларида иштирок этадиган Англия термаси сафига чақирган. Бироқ Дринкуотер жисмоний тайёргарлиги етарли даражада эмаслигини айтиб, бу таклифни рад қилганди.
«Дринкуотер ўз фаолиятидаги энг катта хатога йўл қўйди. Гленн Ходдлга 1998 йилги мундиалда иштирок этмаслигимни айтганим, бутун ҳаётимдаги энг расво қарор эди. Ўшанда 24 ёшимдаёқ халқаро фаолиятимга чек қўйилганди.
Менимча, энди Дринкуотернинг ЖЧ-2018да қатнашиши амри-маҳол. Англия мураббийлари эса кимлигини фарқи йўқ, хоҳ у Саутгейт бўлсин, хоҳ бошқаси келажакда уни терма жамоага чақиришни истамайдилар» — дейди Саттон.
