Туриннинг “Ювентус” клуби ярим ҳимоячиси Сами Хедира Италия термаси сафида ЖЧга чиқа олмаган жамоадоши Жанлуижи Буффонни қўллаб-қувватлади.
“Энг яхши жамоадошларимдан бири жаҳон чемпионатида иштирок эта олмаса, бу мен учун жуда қайғули ҳолат. Бироқ бу муваффақиятсизлик Италия футболи фойдасига ишлайди.
Буффоннинг қандай йиғлаганларини кўрдим, уларнинг муваффақиятсизлигида Италия футболига тегишли барча маъсулиятли кишилар айбдор деб ўйлайман.
Мен Буффонга биргаликда Европа Чемпионлар Лигаси бош мукофотини боши узра баланд кўтаришига ёрдам бериш мавзусида хат йўлладим. Ўйлайманки, Буффон билан ЕЧЛ мусобақасида ғолиб чиқиш учун бор кучимизни ишга соламиз”, - дейди Хедира.
