Torneos y Competencias спорт маркетинг компаниясининг собиқ раҳбари Алехандро Бурсако ФИФАдаги коррупция иши бўйича гувоҳлик қилмоқда.
У ўртоқлик учрашувида қатнашганлари учун Лионель Месси ва Аргентина термасининг бошқа ўйинчиларига пул тўлаганини айтди.
Суд мажлиси вақтида Бурсако Torneos y Competencias компанияси Мессига пул тўлаганлиги ҳақидаги саволга "ҳа" дея жавоб берди. Унинг айтишича, Месси ва Аргентина терма жамоасининг номи аниқлаштирилмаган бир нечта ўйинчисига ўртоқлик учрашувида қатнашишлари учун 200 минг доллар тўлаган.
Бурсако 2015 йилнинг ноябрида рэкет, фирибгарлик ва пул ювишда ўзини айбдорлигини тан олган ва у ФИФА ишида айбдор 42 амалдорнинг бири ҳисобланади.
