«Ювентус» клуби ҳужумчиси Гонсало Игуаин жарроҳлик амалиётини бошдан кечирди.
«Бугун Гонсало Игуаиннинг чап қўлидаги синган бармоғи операция қилинди. Туриндаги шифохоналарнинг бирида ўтказилган жарроҳлик амалиёти 45 дақиқа давом этди ва муваффақиятли якунланди.
Игуаиннинг қачон сафга қайтиши яқин кунларда аниқлаштирилади», — дейилади клуб расмий сайтида.
Игуаин катта эҳтимол билан собиқ жамоасига қарши кечадиган ўйинни ўтказиб юбориши мумкин. «Наполи» — «Ювентус» учрашуви 1 декабрь оқшомида бўлиб ўтади.
