"Вест Ҳэм" бош мураббийи Дэвид Мойес "Манчестер Сити"дан учралган мағлубият (1:2) ҳақида фикр билдирди.
"Мағлубиятдан афсусдамиз. Биз жуда кучли жамоага қарши ўйнадик ва узоқ вақт унга кўп муаммолар яратдик. Биринчи бўлимда хавфли вазиятларимиз кўп бўлди.
Бу ўйинда очко ололмаганимиздан жуда хафаман. Аммо ўйинчиларимдан мамнунман Биз қарши ҳужумларда яхши ўйнадик. Бугун бизнинг кунимиз бўлиши мумкин эди, аммо ўйин охирида гол ура олмадик.
Ғалаб голидаги вазиятда яхшироқ ўйнашимиз керак эди, албатта, марказий ҳимоячи тўпни олиб чиқиши керак эди, аммо бизнинг ҳимоямизда 18 ёшли йигитча ўйнади. Афсусдаман, аммо у яхши ўйнади", - дейди Мойес.
